鄧洢玲大細胸切肉瘤平衡番！
藝人鄧洢玲（阿旦）、張繼聰及黃美棋前晚到中環出席睇波活動，阿旦說：「之前左胸有兩粒2.3cm及1cm良性纖維瘤，醫生畀報告我睇，兩粒瘤好似瘦肉咁，咁我個胸會唔會剩番好少？我天生右邊胸大啲啲，依家balance咗！（同男友親熱要避忌？）咁又冇問題嘅！」
至於身為圈中出名籃球健將的張繼聰說：「我細個踢波，唔夠高至去咗打籃球，我試過凌晨3點摷醒個仔睇皇馬對巴塞。（老婆謝安琪有冇份睇？）佢早瞓嘅，但會陪個仔學踢波，下晝好曬o架！（睇好邊隊捧歐國盃？）我捧嗰隊衰嗰隊，雖然近來個魔咒解除！（朋友用你嚟做燈咪贏錢？）我唔賭波，淨係睇！」
而黃美棋則謂與男友鍾健威睇「波」，她說：「我哋睇七粒波囉，《龍珠》呀，邊睇邊飲酒添！（唔怕酒後亂性？）飲好少啫！」
