現年53歲的鄭敬基在ig表示入院留醫，事後他表示因主要血管LM（左冠狀動脈主幹）差不多九成塞了，要入院進行「介入性心導管」大手術（簡稱通波仔）。心臟科專科醫生梁達智表示「左冠狀動脈主幹」是心臟最主要的血管，若完全阻塞死亡率極高，他說：「人有三分之二以上嘅血都係靠呢條血管輸出，所以其實呢個病都幾高危。（病前有咩先兆？）會心絞痛，行路同上斜路心口會翳住。」梁醫生表示現時做通波仔手術，只需要約一至兩小時：「依家都係微創手術嚟，喺大髀或者手腕上面進行，唔使開刀。」梁醫生又表示此病有年輕化趨勢，最年輕患者有20至30歲。講到術後護理，梁醫生坦言最重要是藥物控制及改變生活模式等：「如果患者食煙嘅話，最好戒咗去同埋要Keep住身體檢查。」