羅霖感動嫁J君「無後」顧之憂

「美魔女」羅霖早前遠赴法國,穿起婚紗為自家推出的美酒拍攝宣傳照,突然爆出有追求者J君自薦客串做「新郎」,還透露對方已求婚!她昨日終肯公開「未婚夫」的真面目,年屆30多歲的J君為娶女神,不惜放棄傳宗接代的使命,愛得偉大!

去年前亞姐羅霖(Candy)以半百之齡推出寫真集,由於保養得宜,外界反應超好,還吸引不少裙下之臣,其中一名比她年輕逾十載的內地追求者J君,全靠無微不至的攻勢,終於打動了「美魔女」!早前為陪伴Candy到法國影相,J君大膽地自薦充當「新郎」,為求能與女神一起穿上婚紗禮服拍「婚照」。

三兒子未點頭

事後,Candy坦言仍未完全確認對方身份,故一直只提供對方的「背面」照。不過,她昨日接受訪問時終讓J君「曝光」,照片中的J君輕吻Candy額頭,活像一對甜蜜夫婦。雖然只是側面,但已清楚看到他的年輕「俊」臉,Candy笑說:「其實我想低調啲,自己工作都好忙,唔想畀人覺得我等住嫁唔做嘢。佢一路追咗我好耐,最初我仲封鎖晒佢嘅聯絡渠道,但佢真係好有毅力,仲向我求咗好多次婚!有次我扭親腳,佢又幫我按摩,係幾感動!」

Candy從不介意將年齡公諸於世,年屆50的她被問到可有想到將來婚後生兒育女的問題?她大方地說:「其實我自己就冇諗,反而佢已經諗好晒,話為咗我可以唔需要小朋友,叫我只要企喺佢身後,佢會幫我擋晒啲嘢!一個男人咁有承擔,我好欣賞!」Candy透露現時只欠母親及三名兒子這兩關,便會將人生付託給J君!

文:名人組