新青年理髮廳 推介隱世雞翼尖

樂壇組合新青年理髮廳的三位成員Showroom（陳列瑟）、歐陽（歐陽德輝）及發仔（陳發鴻）一向熱愛香港地道美食，就連早前推出新碟《小事化大》，其封面也在茶餐廳拍攝。他們推介了一間位於長沙灣的車仔麵檔，更笑言這是隱世美食：「每次我哋都會去食南乳炸雞翼尖同埋咖喱角，係超級好食，全個宇宙最好食。」歐陽還笑言這間車仔麵檔記載了他們不少回憶：「因為我哋夜晚凌晨經常踩單車，經過長沙灣，去到荃灣，途中會見到呢間車仔麵，我哋一坐就會坐個幾兩個鐘，老闆娘都認得晒我哋！」