雷兆光入學校教音響（目及）實仔仔
九巴後人雷兆光精通音樂，為加深了解兒子在學校的生活，寧到學校做業餘電影音響老師，實行同兒子零代溝。
九巴後人雷兆光與太太雷林靜怡、溥儀眼鏡行政總裁邱子傑與太太邱李茂琪及名媛張王幼倫等，昨日出席領賢慈善基金音樂主題酒會。雷林靜怡透露子女都熱愛音樂及芭蕾舞，上了不少興趣班，但自言不是怪獸家長，並大讚老公在藝術方面表現出色。雷兆光透露平時幫朋友錄歌，亦幫小朋友出碟，現時更在15歲兒子的學校教授電影音響。太太取笑他貪玩，但玩之餘亦十分專業，曾在電影上奪過獎。問到兒子會否感壓力？雷兆光表示：「我業餘，佢冇壓力，睇佢班朋友，識咩人，平時我會同佢合作project。（培育佢做導演？）唔會，佢有天分，當興趣，最緊要開心，佢會搵囡囡做主角。（你哋做配角？）係。」
邱李茂琪最怕送機
而邱李茂琪則透露，會為16歲兒子及13歲女兒編排星期一至日的行程及興趣班。九月一對子女將往外國讀書，她坦言因怕喊，故一向只愛接機，不愛送機，預計九月送機時，老公應該比她喊得更勁，因為老公最不捨女兒。問到兒子拍拖與否？她表示應該有心儀對象，平時會在社交網站搜尋兒子的朋友。
至於慈善機構創辦人張王幼倫，獲一對子女到場支持，她表示子女長大後很難一同去旅行，反而叫他們一同做慈善活動較為容易。
文：名人組