好兄弟賀50歲送大禮 小齊硬食美鹹魚
「男人幫」前日到雲頂舉行演唱會，幾位好兄弟為本月23日生日的任賢齊（小齊）預備「特備節目」，進貢馬國「美人魚」一條供小齊「享用」，但由於美人魚實在太重口味，令小齊捧腹大笑！
前日任賢齊和「男人幫」的蘇永康（阿公）、黃家強及梁漢文（Edmond）一齊到馬來西亞的雲頂開騷，適逢小齊五十歲生日，古靈精怪的男人幫特意為好兄弟「賀一賀」！由於生日要在工作中度過，小齊事前和家人先在馬來西亞的小島慶祝。三位好兄弟則提早飛抵馬國布置，與工作人員夾計做一場大龍鳳，在小齊往雲頂的路上騙他阿公和家強反目成仇。
蘇永康搞大龍鳳
小齊一到埗，阿公亦瞬間入戲，勞氣地向小齊「告狀」：「個騷我唔做啦，我唔妥黃家強！」擔心兄弟的小齊信以為真，連忙安慰阿公及家強。但當小齊打開房門後，即被狂噴香檳，三子更為他蒙眼，笑言要送一份大禮給小齊：「做兄弟有今生冇來世，我哋為你準備咗份馬來西亞特產做生日禮物，你應承我哋一定要好好享受佢！問准咗阿嫂o架啦，你蒙眼先，我帶你入睡房happy ！」
易服恐怖美人魚
酒店房內等着小齊的並非絕色美女，而是由男經理人易服化身的美人魚，小齊見到即哭笑不得，更被三兄弟逼做「接吻魚」，小齊最後只好應要求抱抱美人魚完事！事後小齊笑言：「太恐怖啦條美人魚，佢哋話係家強同梁漢文化妝嘅，化到咁樣，笑死我！我心諗我生日呀大佬，你畀個靚女我啦，我一世人都真係冇乜艷福，除咗我老婆之外，真係冇諗過五十歲人仲要啃條鹹魚……不過班兄弟咁有心同我搞個咁驚喜party，真係好開心。」
文：音樂組