宋智孝拋廣東話口窒窒
韓國天然美女宋智孝在港亮相眼鏡品牌活動，吸引過百人圍觀，她以廣東話介紹自己時，因忘記發音搞到口窒窒，意圖「出貓」後主動道歉，坦白得可愛！問到感情事時，智孝笑言年紀漸大，開出擇偶條件要Man又要體貼。
宋智孝昨日來港為溥儀眼鏡獨家呈獻的韓國眼鏡品牌Gentle Monster香港旗艦店開張擔任剪綵嘉賓，溥儀老闆邱子傑與太太邱李茂琪表示首次見宋智孝，是否重金禮聘對方？邱太說：「價錢合理。」
智孝現身時，店外擠滿過百圍觀者，場面墟冚！智孝更即席以廣東話打招呼：「你好，我是宋智孝！」期間卻忘記發音，想在袋裏搵「貓紙」，後經翻譯提示才順利過關，她笑說：「我寫低咗（貓紙），但唔好意思，唔記得咗。」
要搵Man男友
作為「全能女神」會否有興趣設計太陽眼鏡？智孝謙虛說：「全能女神呢個稱號太過獎，我唔係樣樣都叻，但會盡力去做，有機會都想。」問到與台灣男星陳柏霖合作後是否還有聯絡？她說：「拍完間中會聯絡，之前去上海都有見面同問好。」對於擇偶條件，她笑言：「自己年紀有番咁上下，希望可以搵個體貼、Man啲嘅男人，可以擁抱力大啲。（緋聞男友Gary？）哈哈！」
盼有機會合作
古天樂亦有留意韓國市場及看過智孝的節目，大讚對方說：「我冇見過佢真人，佢出名唔化妝，好難得，希望有機會合作。」今年暑假古仔將有五部戲上映，他說每部都喜歡、都有信心，怕不怕會拉低票房？古仔說：「拉低褲頭咩？唔會，拉低奧運，同叫朋友拉低褲頭睇晒咁多部！」有看韓國綜藝節目的千嬅，首次見智孝真人，讚靚女之餘又讚他們的遊戲節目玩得好厲害：「學吓點駕馭，相信佢哋體能好好，堅running，係一種訓練。」
文：名人組