JW減肥爆發女人味
歌手王灝兒（JW）昨日到電台宣傳八月尾的演唱會，講到嘉賓陣容，她未肯透露，問可會有舊老闆黎明？她說：「問咗啦，佢唔得閒，不過嘉賓一定會有驚喜，係未合作過嘅人。（之前想請鄭中基？）佢演唱會啱啱喺我嗰個嘅一星期後，佢要綵排，所以要再睇吓可唔可以嚟到。（好友G.E.M.呢？）我比較想請男嘉賓。」
JW透露屆時會跳舞，但未知會否有性感演出，問歌衫可會性感？她笑言：「一定會有女人味出現。」她更由本月一日開始戒食澱粉質及做運動，現已瘦了約四磅。
講到有指今屆候選港姐「導彈律師」Joyce的哥哥Mark是其男友，JW澄清：「冇呀，我哋係好朋友，冇機會，我好細個識Joyce，都睇好佢，佢又靚、學歷又好、人又好。」