財政冇問題蘇志威：純屬誤會

蘇志威（阿細）於美孚新邨開設的舞蹈學校「iDance」，被二房東入稟高等法院，指學校拖欠租金，要求收樓及賠償損失，入稟狀指原告TCT Education Limited是涉案物業的租客，原告於前年七月與被告經營iDance的公司I Dance Enterprise Limited簽約，把該物業分租給被告，租約為期六年，頭三年租金每月約19萬元，後三年的租金每月近22萬元，但被告自去年十二月起欠租，合共欠租約114萬元，被告另拖欠約4萬元電費，原告因此向被告興訟追討。

支票已放在律師樓

作為iDance的董事和舞蹈總監的阿細昨日身在內地，他透過電話說：「純屬誤會嚟！」阿細透露租金的支票早已經擺放在律師樓，待一些問題解決後會即刻過數，他說：「因為一啲商業嘅問題未解決，啲租金先會hold住咗，張支票已經擺咗喺律師樓，只要傾妥咗，租金就會過數，業主遲啲會喺網上出番個notice（公告）畀大家，總之我嘅跳舞學校財政係冇問題，會繼續運作。」

原告稱稍後撤控

而在iDance學校擔任營運總監的演員韓馬利，同樣身在內地，她說：「我放緊假唔喺香港，唔係好詳細了解件事，不過我問過學校老闆，只不過係一場誤會，依家律師樓處理緊件事，據我所知係同欠租冇關，知道業主遲啲會出嚟澄清番件事。」原告公司發言人昨晚表示，由於與iDance方面有溝通誤會，原告一方稍後會撤控，並會與對方保持合作關係。

文：音樂組

案件編號：HCA 1650/2016