焦媛升格導演特訓新人

舞台劇演員焦媛演過無數舞台劇，今年搞搞新意思，「退下火線」做導演，揀選三位師妹王嘉慧、王曦玫及馮兆珊本月29日參演舞台劇《陰道獨白》，她承認此一「決定」是人生去了新階段：「《陰》劇重演過好多次，之前我就有演過，所以今次輪到我做導演，呢班師妹幫我做呢套舞台劇。（點解今次會做導演？）人生去咗另一個階段，我自己好鍾意呢個劇本，今次好有股熱情想做導演，所以大膽啲。」

困難重重

以往擔任演員的焦媛可謂經驗豐富，想不到今次做導演，卻變得困難重重：「個舞台同之前好唔同，今次係三面台，變咗用番之前嗰套都唔得，所以做導演要處理三面台都好困難，好在大家合作得好好，再加上我好注重形體上嘅處理，所以同三位演員加強呢個訓練。」

焦媛（右二）特訓王曦玫（左起）、馮兆珊及王嘉慧。	王嘉慧（左起）、馮兆珊、王曦玫向焦媛學嘢。	羅冠蘭（右起）、焦媛與郭錦恩曾合演舞台劇。

分享經驗

自認嚴師的焦媛，給三位演員安排特訓時，可能會有不好聽的說話，倒是三位演員都賣口乖，表示沒有留意，馮兆珊說：「都冇乜難聽嘅說話。因為大家投入喺呢件事上，焦媛係我哋師姐，又做過呢個劇本，可以分享好多唔同經驗，呢啲嘢對我哋嚟講係好寶貴。」

今次三位演員在台上身兼多個角色，王曦玫坦言在處理上亦有困難的地方：「演嘅角色同我哋本身距離係有啲遠，所以係難，好少接觸嗰類人，要好有想像力。」

文：專案組

攝：司徒國榮