子宮生瘤拍戲撞邪關寶慧堅強面對
藝人關寶慧以性感造型亮相電影首映禮，她透露早前做子宮肌瘤手術時適逢父親過身，拍戲時又遇上靈異事件，被同場的方力申取笑時運低，不過他亦自爆體重發生「靈異事件」。
王菀之（Ivana）、關寶慧、方力申等前晚到銅鑼灣出席新片《綁架丁丁當》首映禮，小方與Ivana在大熱天時以秋裝現身，反觀關寶慧相當搶鏡，以低胸透視裙性感示人。她透露最近修身成功，故不介意性感亮相：「早排做子宮肌瘤手術，已經拖咗好耐，我好怕做手術所以拖到依家，加上嗰排爸爸又走咗，依家先健康番啲。」雖然屢遇慘事，但樂觀的她堅強面對。
做印傭版Tony Jaa
關寶慧透露在新片中飾演印傭，更要挑戰打戲：「係印傭版Tony Jaa！」為配合角色而全身化黑的她擔心甩色而不敢坐下，拍攝兩日打戲令她十分疲倦，笑謂是演藝生涯的高峰。提到早前被指拍戲遇到靈異事件，關寶慧直認拍《綁》時發生：「大家都知咩事，所以冇咩人理。」
小方「靈異」體重
Ivana被問在電影中有否獲安排扮醜？她笑說：「係扮靚，如果覺得係靚真係扮出嚟o架。」對於關寶慧拍攝時遇上靈異事件，Ivana表示：「我親眼見到對拖鞋一大一細，會唔會係熱得滯融咗？呢件事解釋唔到。」小方則笑指：「解釋到，係佢時運低，我哋時運高。」
小方笑稱自己體重亦發生「靈異事件」：「拍嗰陣重咗15磅又輕咗15磅再重番15磅。」Ivana聞言即大爆小方為晒肌而節食：「佢食烚嘢，幾日內可以見到啲肌肉由鬆變實，你知唔知嗰幾日邊個幫你搞掂啲飯盒？」她自言因此成功維持肥的狀態。
文：影視組