林峯與時並進搭港鐵追聲

藝人林峯昨日出席港鐵「開心搭．生日獎」抽獎活動，獲贈他在內地新劇《六扇門》中的造型氣球公仔、他所屬生肖羊年紀念車票及全年任搭港鐵的車票。林峯平日出入都以私家車代步，過往少搭港鐵，提到他年初到港鐵站巡視演唱會燈牌時不懂用新款單程票，他亦自嘲大鄉里：「我真係唔知可以嘟咁入閘，同埋我見到港鐵多咗好多舖頭，仲有salon！」受訪時，林峯透露間中會在繁忙時間搭港鐵過海：「我會由尖沙咀搭去金鐘，搭一個站。（會喬裝？）唔使，我照行，我都係香港市民嚟嘅。（畀人圍住？）唔會，大家都非常禮貌，最多望吓我話幾似林峯喎，我就會話好多人都咁講！」

他又指將為港鐵錄一段聲帶，在繁忙時間播放，也會因此多搭港鐵：「我會多啲搭，聽吓自己把聲，最好個個站都播晒啦。內容係話繁忙時間希望大家有啲耐性，耐心等候嗰啲。」

大批粉絲舉牌撐場，林峯也十分識做自拍一番。	林峯在港鐵商務總監楊美珍女士陪同之下，進行「開心搭．生日獎」抽獎活動。	林峯在日曆上寫上抽出的日子及簽名。

不怕克勤分薄資源

對於有指李克勤約滿環球後將過檔英皇，林峯說：「唔係真嘅咩？」又坦言不擔心會因此而被分薄資源：「我哋公司多資源，唔會有呢個問題，同埋我哋嘅歌路唔同，我哋公司嘅artist都可以獨當一面。」

另外，提到無綫金牌監製李添勝遺憾未能與他合作，林峯指有在微博上多謝前輩：「我都一路希望同佢合作，眾所周知佢係非常好嘅監製，都知佢呢段時間要休息，希望之後仲有機會。」

文：音樂組　

攝：劉智源