新劇終於出街 思捷淡定冇壓力
藝人黃智雯（Mandy）、李思捷及童星羅梓龍等昨日出席《TVB Amazing Summer》記者會。提到Mandy和思捷主演的劇集《爸B有話兒》改名為《超能老豆》，並定於8月1日起播，思捷讚新名夠「貼地」：「叫老豆（竇）貼地啲，做爸爸都希望有十八般武藝。」
談到該劇三度被換播映時間，Mandy表示現時該劇定於暑假播出，是最好的安排：「係最好嘅檔期，暑期又配合到小朋友演員一齊宣傳。」會否擔心觀眾暑假時未必留在家睇劇？思捷稱已做好本分，又強調沒有收視壓力：「管唔到。（收視有壓力？）冇，最緊要套劇出到街！」Mandy就力撐該劇是溫馨小品，能帶來正面訊息，故吸引家長觀眾。問兩人會否擔心劇集播映時間再有變動？思捷說：「不嬲都唔驚，唔知邊套劇會爆出嚟，平常心啦！」