壽星女陳凱琳人肉速遞 反送驚喜冧嘉穎

壽星女陳凱琳（Grace）昨日與蕭正楠、姜大偉等於將軍澳電視城拍攝新劇《翻生武林》，生日正日要開工，心繫男友的她幸好有數小時空檔，下午2時半完成早上拍攝後，她立即換回便服，急跑趕巴士往將軍澳站，然後轉乘港鐵直往銅鑼灣，獨自買完衫再買飲品，然後往髮型屋扮靚。Grace整頭整足兩個多小時，繼而再往附近修甲，為生日與男友共度做足準備。

撐枱腳收一打玫瑰

扮到靚靚後，Grace乘小巴直駛鄭嘉穎屋企，臨上小巴前戴上口罩及黑超，上到車則甜絲絲講電話，雖然心急赴約，但全程坐公共交通工具，坐完巴士又港鐵，繼而坐埋小巴，認真知慳識儉！當小巴駛至男友家樓下，見她急急落車，熟悉地開門進入大廈，趕與男友共聚數小時後再回電視城開工。

此外，Grace昨早在拍攝現場被問到男友鄭嘉穎有何表示？她甜絲絲說：「尋晚收咗一打玫瑰花同埋食咗飯，禮物等我諗到想要嘅至買，一齊食飯已經好開心。」並坦言在Instagram貼出的「閃光彈」，就是與嘉穎撐枱腳時拍攝，問到還希望男友送甚麼生日驚喜？她說：「唔使咁多驚喜，佢搵咗間靚餐廳一齊食飯，已經好開心。（男友訂ＶＩＰ房同你慶生？）唔係，周圍都有其他客人，其實我哋出街大家都好尊重。」

陳凱琳在港鐵不停撳電話。	整完頭、修埋甲兼買新衫的陳凱琳等小巴去男友家。	陳凱琳前晚與嘉穎甜蜜蜜撐枱腳，獲贈大束玫瑰。

貼身問候「食飯未？」

問到有甚麼生日願望？Grace說：「想個劇拍得順利，大家身體健康。（蕭正楠外景被昆蟲咬傷，嘉穎有冇擔心你？）佢有叫我去外景、山旮旯地方、水氹要小心，閒時又WhatsApp我『食飯未？』、『飲多啲水』，好細心。（有冇冷落父母？）之前同咗佢哋食飯慶生。」

估你唔到！設計對白	去到鄭嘉穎寓所樓下，陳凱琳熟練地開門進入大廈。	陳凱琳昨晨與姜大偉、蕭正楠拍劇。

同場的蕭正楠提到傷勢已好番七七八八，他說：「食咗藥，撳住啲敏感，都冇得避忌，夜晚拍嘢都唔知被咩咬，或者噴驅蚊劑，但咬我嗰啲都唔係蚊，係唔知乜嘢不明物體，冇法啦，硬食！」他又指有照老友曹永廉吩咐，代為照顧曹的外父姜大偉。姜大偉則說：「係熱啲，但我閒時有做運動，頂得順。」

文：追蹤組、影視組

攝：追蹤組