鴨王何浩文家底晒冷撬麥明詩
「鴨王」何浩文與「大律師」林作爭奪「十優港姐」麥明詩愈演愈烈，何浩文昨日更「晒冷」挑機，拋出有教育局高官爸爸的家庭背景，證明與擁有副校長爸爸的麥明詩「門當戶對」，又晒「銀彈」指收入不比林作差：「我收入唔會比林作低，聽啲律師朋友講都話近年律師喺香港唔係好好景！」不過麥明詩回應時指拍拖不需比較職業及賺錢能力，似乎兩邊都唔幫！
「十優港姐」麥明詩（Louisa）近日與大律師男友林作情海翻波，有傳「鴨王」何浩文（Dominic）因與Louisa合拍無綫新劇《賭城群英會》而力追對方，向林作挑機爭女！Dominic早前已不時上載與Louisa的合照挑戰林作底線，「明詩之爭」愈演愈烈之際，林作前晚終出招反擊，將網友對他的評論Cap圖上載Facebook：「我覺得佢唔會睇唔起鴨王，但佢亦都唔會欣賞鴨王……」暗示女友唔會吼Dominic！
此舉卻惹來Dominic到該評論Post上留言，最後演變成與網友一答一問，句句么心么肺：「林作教唔到佢做戲，但成部劇我都幫到佢！」有網友指他追麥明詩是想征服女強人，Dominic即護花說：「佢心底裏面係女人仔嚟o架！」談到財力差距，Dominic即晒身家：「其實我呢個歲數嚟講係搵幾多錢吓，預備買第二部車！」又自言現時已有能力令未來老婆衣食無憂，更揚言吸金能力可與林作一併。雖然有網友指他做「小三」，但亦贏得不少網友支持繼續追女。
踩上心口 林作封嘴
對於留言似發表「愛的宣言」，Dominic昨日受訪時雖然否認向林作挑機，但繼續暗寸對方！被問到是否對Louisa有好感？他說：「佢依家仲有男朋友就冇諗呢啲嘢，如果佢單身就再相處吓先。」擺明為自己鋪路！他又自爆父母分別為教育局高官及中學教師，與Louisa的家底相似，又暗示林作齋論收入比他少：「我收入唔會比林作低！可能穩定過佢，聽啲律師朋友講都話近年律師喺香港都唔係好好景！」
面對Dominic的挑戰，林作則從容不迫，一概不回應免掀起話題。被問如何評論「情敵」？他說：「唔評論佢啦！（網友撐佢喎！）網友點講係佢哋嘅事，我都唔睇嘅！」談到Dominic搬出高官爸爸及暗示「律師唔好景」，林作亦未有生氣：「唔回應啦！我都唔識佢！（律師近年喺香港唔好景？）唔想同佢開始對話，費事沒完沒了。」至於與Louisa是否已和好？林作說：「呢樣嘢就更加唔講啦！（傳分手喎！）唔交代啦！怕呢個話題停唔到。」希望封口平息事件。
何父係教育局高官
其實Dominic與林作論家底、財力可謂各有千秋，林作貴為大律師之餘亦有個富媽媽，獲贈6,500萬元豪宅。至於Dominic自拍畢電影《鴨王》系列後財源滾滾，登台、電影邀約不斷，本身擁有價值60萬Now Jeep的他更揚言準備買入第二架座駕、價值80萬的Mustang跑車，實行靠自己搵錢。至於何父來頭亦不小，原來是教育局課程發展處總課程發展主任（體育）何振業，家庭背景與擁有副校長爸爸的Louisa相似，如此「門當戶對」，Dominic要撬走Louisa亦非不可能的任務！
至於「女主角」Louisa昨日以短訊指不想令事件沒完沒了，暫時不作回應，但認為拍拖是在於兩人的相處，不需要比較職業及賺錢能力。
文：影視組