重提溝女搞喊麥明詩 林作等判刑分手五五波
「十優港姐」麥明詩最近忙在深圳拍攝無綫新劇，但律師男友林作卻在港與女性朋友Victoria（余穎洋）夜蒲「斷正」，令到麥明詩「嬲嬲豬」，一年多的感情受到考驗！正當女友拍完劇返港，林作隨即相約前晚在中環見面，但麥明詩於晚膳期間突然情緒激動，更當眾喊起上嚟，林作要不停氹女友補鑊。
記者致電林作了解，他未有承認「被飛」，但自喻為「被告」等女友判決，還苦笑指對能否挽回感情只得「五五波」：「我都唔知佢點解喊，食飯過程我哋乜都講，當然有講我上次同Victoria一齊件事，女友係有嬲但唔係攤牌，亦冇講分手！（有信心挽回女友信心？）五五波啦！我依家係被告，要等女友判決，我當然唔想被飛啦！好希望再同女友溝涌。」而麥明詩則於截稿前未有回應。
林作昨晚上載自拍照，身處髮型屋的他對鏡自拍並留言：「剪頭髮。」但有網友反問是否暗示「剪情絲」！至於麥明詩與男友甚有默契，同時亦上載一段在寵物店門外拍攝一對可愛小狗玩耍的短片並留言：「翻雲覆雨。」她又回覆朋友留言指因「欣賞咋嘛！」而拍片，明顯心情不錯！