J.Arie避談男友唔急嫁
歌手J.Arie、盧凱彤及組合SiS樂印姊妹昨日在商場獻唱，早前被東網拍得與Band仔男友在屯門村屋密會的J.Arie，對此不願多談，只避重就輕說：「我哋識咗好多年，係因為音樂而認識，我平時好少講，只係專注音樂。（男朋友？）唔回應，只係正常社交生活。」問到是否同居？她死撐：「唔係同居。（感情狀況點？）有好多人都係處於觀察中，我未去到適婚年齡，起碼過多十年先。」
至於SiS樂印姊妹的妹妹駱胤鳴抱病上陣，她透露正忙於寫書，希望趕及在書展推出：「係愛情小說，入面有啲我自己嘅古仔，有啲愛情金句。」而家姐駱胤樺則有意出樂理書，她認為市面上的樂理書太沉悶，希望以插圖增加趣味。