陳國邦囡囡甫士王 盈盈黐身妹抆衫尾
藝人陳國邦與湯盈盈等昨日帶同女兒出席活動，年僅3歲的陳國邦女兒陳禛在台上狂擺甫士，可愛到暈！而盈盈的大女凱晴則勁黐身，在她玩遊戲時拉住她的衫尾，令她相當狼狽！
黎耀祥、陳國邦、湯盈盈及李霖恩等昨日宣傳處境劇《愛．回家之八時入席》，適逢父親節，多位「星二代」齊齊出動，當中以陳國邦女兒陳禛最搶鏡，甫到場即狂擺甫士，又拉起裙襬行禮，Cute到爆！而盈盈大女凱晴則較為黐身，在媽咪玩遊戲時抆住她的衫尾；而擔任司儀的李霖恩亦被一對子女攬到實，狼狽得來非常溫馨。
冇心情唱歌
對於女兒在台上搶盡風頭，陳國邦笑說：「佢臨時縮沙唔肯唱歌呢！頭先仲同太太喺車度練歌，佢都睇心情，自細習慣咗面對咁多人，所以好自然。」盈盈則透露老公錢嘉樂會趕及於晚上由上海返港：「我臨時臨急買蛋糕同訂枱食飯，之前已經託劇組同事幫我畫咗幅一家四口嘅卡通全家福送畀嘉樂。」對於好姊妹梁靖琪蜜運中，盈盈抵死地說：「佢好多男友喎！咁好姊妹當然有分享呢啲嘢。（過咗你哋嗰關未？）都OK嘅，畀佢發展吓先，唔使咁心急。」
拉頭馬瘀咗
談到日前到馬場拉頭馬，盈盈笑指是朋友出錢幫她買，結果幾個人共贏得6位數字獎金，非常幸運！不過她自爆瘀事：「拉頭馬時見地下有條繩，咪執上嚟拎住，即刻畀朋友笑，等我仲叫埋周家蔚同郭少芸拎住添！」
文：影視組