楊怡係「謙」都咁錫

謝德謙（左起）、樂基兒、林海峰、電訊盈科收費電視首席副總裁譚樂琼、鄭中基及楊怡出席Now TV發布會。

露背裙示人的楊怡於遊戲環節被司儀笑「錫住」同場的足球員謝德謙，她即隔空冧老公羅仲謙說：「冇錯，有呢個名（「謙」字）係好啲！」她透露婚禮籌備過程吃力：「冇咩頭緒。（叫老公諗？）佢好忙，但盡量想大家都有意見。」問到婚後如何與老爺慶祝父親節？她即賣口乖說：「祝佢身體健康，心想事成！」問到何不生個孫當送禮？她即玩食字：「酸梅乾呀？」對於首次亮相其他電視台活動，她直言感覺並無不同，又表示只要有適合的機會，可斟洽為Now拍節目。

同場的鄭中基透露收到女兒的手製筆筒及領呔作父親節禮物，9月將於澳門開騷的他，自言想於香港開騷，並每個月都向紅館入紙申請，他更爆女兒自薦上台。

楊怡穿上大露背裝，相當誘人。	樂基兒晒肩露臍，熱力逼人。	鄭中基（左）低頭整褲頭，林海峰亦即自我檢查，搞咩呢？

而Jan笑言活潑的女兒肯「早啲瞓」就是父親節禮物，更笑謂與家人少見面是增進感情的妙法：「少啲見面就少啲摩擦！」