吳彥祖至愛搭叮叮
型男吳彥祖（Daniel）今年在港陪囡囡過父親節之餘，還抽了兩天時間拍攝推廣本港旅遊業的宣傳短片。Daniel先後到啟德郵輪碼頭及港大取景，又帶隊品嘗自己最愛的牛腩粉及坐電車：「去港大係想重溫當年我喺嗰度拍《玻璃之城》，勾起唔少回憶。坐電車期間大家都質疑我有幾耐冇搭過，但我想話畀大家聽，我係經常搭電車游走中、上環返拳館嘅。」
近日Daniel愛犬離世，他在社交網站向牠「道別」，難過心情可想而知，他對此說：「佢有事嗰日我啱啱放假，見到最後一面。其實一早有心理準備，畢竟佢好老嘞，身後事亦處理好，多謝大家關心。」稍後Daniel要飛返美國，為主演的劇集拍攝新一季。