林子萱倒奶黃美棋留前鬥「後」

近年淡出娛樂圈轉做瑜伽導師的林子萱(KiKi)身材弗爆,前晚她臨瞓前在社交網上載一張穿bra top玩倒立的照片,雖然她以公仔圖案遮着自己的樣子,但倒奶程度爆燈,網民睇完高呼sexy。

至於「宅男女神」黃美棋在社交網上載背部全裸照,下身更露出疑似卡通人物的內褲,但美棋BB留言解釋只是一條毛巾:「其實平時做嘢影婚紗相,冇可能件件都啱身o架,遇到唔啱身惟有搵條毛巾或者搵塊布頂住先,都怪我太肥啦!」她接受記者訪問時否認真空上陣:「有着nude bra打底,平時件衫大就會攝毛巾去隔開啲肉同件衫,但今次件衫太窄,所以只可以用毛巾仔墊住pat pat!」問到男友鍾健威有否呷醋?她說:「佢叫我唔好再拉低條毛巾同晒正面相。」