同盧冠廷唱反調 軒仔生B最環保：慳番啲套

遭徐小鳳爆生風瘌

壓軸嘉賓徐小鳳現身舞台，穿上巨型白色毛毛褸的她獲盧冠廷封為「神級」及「小鳳妹」，卻反被踢爆緊張過度搞到生風瘌，盧冠廷即澄清：「可能緊張生濕疹，已經化咗妝，大家睇唔到。」小鳳卻搞笑地說：「你都唔化嘅。」又扮對方唱腔清唱幾句金曲《天鳥》。

相隔八年再踏紅館舞台的盧冠廷先後遭軒仔及小鳳取笑光頭，小鳳更笑他「冇乜毛毛」，被擊中要害的他「反擊」，笑軒仔「你舊時好肉酸」，隨即孖軒仔講環保，並表示最環保是不應生小朋友，軒仔卻唱反調說：「反而生仔環保啲，可以用少啲橡膠套（避孕套），可以減少斬橡樹。」

潘源良情變後首現身
另外，潘源良日前被爆與李麗珍再度分手後一直潛水，昨晚終現身欣賞盧冠廷演唱會，着上迷彩衫的他與杜德偉等從後台行出觀眾席，同場嘉賓還有陳慧嫻、徐小鳳、草蜢、李宗盛及蘇玉華與男友潘燦良等。

盧冠廷甫見徐小鳳上台，即叫對方「小鳳妹」。

潘源良

文：音樂組

攝：吳文聰