艾美琦爆喊搵男人訴苦

轉型向樂壇發展的性感女星艾美琦(Amy),日前傳她冇底線露肉搶內地商演,與好姊妹程芷渝(Milla)反面。日前Amy獨自現身蘭桂坊,拖住個篋夜蒲,悶悶不樂坐在吧枱。其後她和一名男士傾唔停,講到激動更爆喊,見該男士細心地遞上紙巾,又不停氹她開心。

之後兩人行出酒吧,並於門口擁抱。當記者上前影相,男友人嚇到折返入酒吧。艾美琦稱與對方只是好朋友,問她和Milla的關係?Amy說:「我真係冇搶過Milla一個job,係有心人屈我,想離間我哋之間嘅感情。」講完即拖篋走人。