驚男友被睇蝕 香香推哎吔細佬「下海」

藝人岑麗香及張致恒等昨日到薛家燕的電台節目做宣傳，香香早前曾表示會考慮提名男友強強參加《2016香港先生選舉》，不過昨日卻反口笑說：「我諗諗吓費事畀咁多女仔望住佢，所以都係介紹佢細佬去啦！如果佢贏咗嘅，我可以攞到啲提名人嘅獎品！」並大讚廿多歲的男友細佬又大隻又靚仔。而薛家燕希望主持的無綫節目《乜都搞掂晒》能添食拍第二輯，不過需要再度期。對於節目形式被指與亞視的節目《開心大發現》相似，薛家燕說：「我哋係創新咗嘅，好似教人煮飯咁，依家啲煲同以前唔同，米又可能唔同，所以要跟住時代去進步。」