吳彥祖上海話突圍 霆鋒「超」Chok迎戰

【呂詠雯上海直擊】多位來自中港台韓的型男影星，包括吳彥祖（Daniel）、周潤發、成龍、謝霆鋒、郭富城、黃曉明、張智霖及李敏鎬等，齊齊現身上海電影節鬥型，引起Fans尖叫！

成龍行紅地氈時與Fans擊掌，親民程度爆燈，而古天樂與鍾漢良以一黑一白的造型亮相，謝霆鋒則戴上黑超，以Chok爆造型行紅地氈，但他與愈叫愈走的郭富城同樣未有受訪。

向馮德倫舒淇催婚
Daniel甫登場便以勁「貼地」的上海話打招呼，又笑談老友馮德倫與舒淇公開「蜜照」令戀情浮面一事，坦言非常關心老友的戀情：「當然關心！佢咁大年紀都冇女朋友，希望佢快啲搵個女友結婚啦，我會話『老喇喎，快啲結婚！』（佢有冇向你透露同舒淇拍拖？）冇。」至於佩戴BVLGARI珠寶的舒淇在尾聲時才現身，性感欠奉，更對記者提出訪問的要求充耳不聞。

此外，有內地網站指Daniel參演的荷里活片《魔獸爭霸：戰雄崛起》在內地上映3日，累積票房已破8億，超越周星馳執導作《美人魚》3日7.7億的票房紀錄。

霆鋒戴黑超Chok晒甫，勁型仔！	周潤發帶埋發嫂齊齊行紅地氈同影迷見面。	范冰冰

李敏鎬（中）、唐嫣與鍾漢良孖住登場。	郭富城（右）與任達華同場鬥型。	成龍入場時與觀眾擊掌。

李心潔做「輪椅女王」

另一邊廂，英皇藝人陳偉霆亮相宣傳《爵迹》，以及與韓國少女時代前成員Jessica合作的《那件瘋狂的小事情叫愛情》，他說：「我哋透過翻譯溝通，間中用英文，戲中都有普通話對白。佢有教我韓文，但我唔記得晒！」而導演彭順談及即將分娩的太太李心潔，他笑指太太似足女王：「下個月生，佢依家行路都喘氣，我搵咗輪椅畀佢，安全至上！」

另外，紅地氈環節完結時，現場發生小插曲，有負責拍片的工作人員欲前往後台，惟保安不允許，雙方初則口角推撞，繼而動武！事件擾攘近5分鐘，期間有人叫喊：「在傳媒面前打架，好看嗎？」事件最終不了了之。

攝：林蔚恩