何家千金黑白雙煞 李嘉欣透出貴氣
《東網巨星》全新娛樂節目《星魅博》播出後好評如潮，每集均請來時尚達人，逐一點評不同女星的打扮，並分享走在潮流尖端的小tips！本周請來星級造型師郭慶彬（Ricky）任客席主持，介紹今季大熱的黑白色調及透視元素。Ricky大讚范冰冰黑白運動look新鮮，「大美人」李嘉欣公主貴氣攞滿分，賭王三房千金何超雲與胞妹何超蓮穿出流麗線條感，相反陳爽就敗於靚太look，失去時代感。
何超雲線條流麗
露膊連身裙可以露到佢最靚嘅肩位線條，同埋呢條裙難着，橫間畀人定型，好易着得好肥，但佢個感覺係線條流麗，顏色簡單討好。
何超蓮青春girly
簡單得嚟好討好，黑白兩個顏色配合得好好，好乾淨感覺，同埋cutting都好流麗線條，髮型同化妝配合成件事好靚，好啱佢girly樣。
陳爽髮型累事
條裙性感得嚟有睇頭，剪裁露背see through嘅位置、胸口領位、腰cut out位我都幾鍾意。但佢個髮型、鞋同飾物，感覺好似靚太look，可能換個all back頭，效果會更trendy。
李嘉欣攞足滿分
一身打扮一絲不苟，啱佢身形比例，修長之餘，好有公主貴氣，see through剪裁位啱啱好，襯銀色鞋好高貴，髮型妝容配合得好好，我覺得條裙佢着得攞滿分。
范冰冰Sporty夠鮮
平時見慣佢女性化打扮，今次感覺幾新鮮，一身黑色baseball jacket，白色t-shirt，同埋今季最流行闊腳褲，都幾啱佢身形。我認為佢妝容減啲，效果更有時代感。