JM怕被拐唔敢獨遊巴西沙灘

藝人文詠珊（Janice Man，JM）早前被邀到巴西里約熱內盧出席時裝騷，由於當地是寨卡病毒的重災區，故JM出發前打定三支預防針。她說：「因為啲預防針一定要喺政府部門打，又要跟足佢時間打，結果打完針之後又要即刻開工拍戲。」
首次踏足巴西的JM，直言只有一星期行程唔夠喉。
首次踏足巴西的JM，直言只有一星期行程唔夠喉。

首次踏足南美洲的她直言興奮，即使機程要坐足26小時仍覺值得。由於當地不時發生搶劫遊客及拐帶事件，故JM全程亦不敢單獨行動：「其實酒店對出有個沙灘，我成日都好想去，不過因為大家都叫我小心啲，唔好自己去，所以我哋成team人臨走前先去咗沙灘影咗幾張相。」看完時裝騷後，她仍留在當地進行拍攝工作，實行寓工作於旅遊，更抽空遊覽森巴樓梯街（Escadaria Selaron）。美中不足是離開前一天，原打算參觀Cidade Olimpica展覽館，可惜到達後才知當天休館，令她大感失望，揚言只留一星期未夠喉。

JM趁機遊覽森巴樓梯街。
  • JM趁機遊覽森巴樓梯街。