郭子豪鬧市晒肌底褲笠頭

藝人袁偉豪（Ben）及郭子豪日前於旺角鬧市拍攝無綫新劇《三個女人一個「因」》。曾任模特的郭子豪剛由訓練班畢業就獲出演男配角的機會，故他「搏盡」晒出八舊腹肌開工。在劇中因欠租而被包租公掟行李的他更於混亂中被孖煙囱笠頭兼T-Back笠面，畫面令人側目！豁出去的子豪大爆為晒肌場口而戒水廿粒鐘，笑言拍攝時感覺被「非禮」：「脫水廿個鐘，因為唔想水腫！（底褲笠面感尷尬？）有呀，而且好緊張。同場女士仲好入戲咁落手摸我。」問到他會否擔心被底褲笠頭而行衰運？外國回流的子豪笑稱「不知者不罪」。