安俊豪苦練韓語鋪路做男神
歌手安俊豪（Simon）日前受訪時大談入行經過，並自爆兒時夢想並非做歌手，反而想做飛機師：「家姐係空姐，以前成日跟佢飛嚟飛去。諗住如果家姐做空姐，我做機師，就好似一家人成日一齊咁！」不過，他後來參加歌唱比賽後對音樂漸感興趣，並立志做歌手。
Simon又透露早前在韓國受訓的經過，現時已與韓國方面簽合作協議，所以要苦練韓語，做好準備到當地發展。談到韓國出名多男神，問到想做宋仲基還是金秀賢？他笑言想成為「都敏俊」（金秀賢）：「為咗學韓語，最近都狂煲《來自星星的你》，同埋之前喺韓國戲劇堂都演過呢套劇，扮過都敏俊。佢有超能力可以保護心愛嘅人，所以希望可以變成佢！」另外，他笑言新歌《沉淪》MV最近在巴士播放，所以刻意多搭巴士觀賞自己的演出。