柳妍熙玩SheShe戀甩拖爆喊

歌手柳妍熙（Shay）嘗試挑戰歌曲創作，今年再為新歌《誰記得》親自填詞。MV內容講述一對同性戀人的故事，其中一方因不敵外間壓力而選擇與異性結婚，Shay說：「我周圍有好多咁嘅朋友，佢哋有咁嘅愛情。我覺得每個人都有愛嘅權利，可能佢哋需要大家多啲包容同埋支持，先可以繼續行落去。」

做情人不如做姊妹

她在MV中飾演同性戀者，更與另一女主角有親密接觸，實屬一大挑戰，她說：「之前啲MV都有男主角，但冇咩親密嘢。呢次係女女，最開始有啲尷尬同驚，會諗點樣演繹到令大家都覺得我係嗰個角色？後尾我投入咗就唔覺得尷尬，有幕講分手嘅戲我仲喊到收唔到聲！」問到現實生活中可曾獲同性示好？她說：「都有嘅，因為大家都係女仔容易講嘢，但都係做好朋友最好。」

Shay在新歌MV中飾演同性戀者，與女主角拍親密戲時零舍尷尬。

放大圖片

入行擴闊生活圈子

Shay入行前是田徑運動員，作息時間有規律，生活相對較為枯燥乏味，她坦言最初轉型做藝人要習慣新的生活模式有點辛苦，卻很值得：「依家做咗Artists睇到好多精彩嘅嘢，例如之前去巴黎時裝周，又去古巴影專輯，見識咗好多不同嘅嘢，又學到好多嘢！依家冇做嘢都會去上堂跳舞練歌，生活好豐富！」

文：音樂組　

攝：嚴偉國

場地：尖東港晶Neway