朋友拍片賀開騷 連詩雅感動爆喊
歌手連詩雅（Shiga）昨日舉行演唱會發布會，露腰晒腿的她唱歌及與歌迷玩遊戲，期間大會播出周柏豪、薛凱琪、古巨基等多位好友祝賀她演唱會成功的短片，眼淺的她即感動流淚，坦言受寵若驚及感恩。
受訪時講到演唱會嘉賓，她自爆之前斗膽請天王黎明做嘉賓：「嗰次睇佢演唱會喺後台問佢，佢話見過我，因為我哋同一間salon，我已經好開心，跟住請佢做嘉賓，佢答到時睇吓可唔可以夾到時間。」她又笑言小時候曾夢過跟黎明結婚。
另外，講到現時有23吋纖腰，Shiga自爆因為10、11歲時貪靚紮腰：「細個見到媽咪成30歲但都仲有23吋腰，原來佢哋嗰陣興着高腰褲，所以我當時除咗沖涼之外，一日其他時間都紮腰。」