陳少邦年尾擺酒 楊怡畀面撐
港視藝人陳少邦與女友鄭加盈拍拖六年修成正果，本周二在澳門舉行婚禮，拿着當日的《東方日報》拍合照作證。無綫出身的他與林峯，楊怡屬同期訓練班同學，故婚宴將邀二人到賀。
與林峯、楊怡同屬無綫第13期藝訓班的前無綫藝人陳少邦，年前過檔港視繼續演藝工作，他和澳門廣播電視主持女友鄭加盈（Rain）拍拖六年，感情穩定。早於今年情人節，少邦向女友求婚成功，並已於6月7號在澳門正式註冊。一對新人將於12月在澳門擺酒，但11月先在香港設西式喜宴，宴請一班圈中好友，問可會請楊怡、林峯等同學？少邦笑稱：「同期訓練班o架！點可以唔請？楊怡已答應出席，到時睇羅仲謙係咪喺香港，佢可以的話都會嚟！至於林峯就話度期。（伴郎呢？）當然係最老嘅鄭世豪做啦！」
天公作美
入行17年的陳少邦受訪時稱太太是澳門人，所以在澳門註冊結婚，他為紀念小登科，着到場見證婚事的鄭世豪為他拍下一張日子證明照，所以拿着一份即日的《東方日報》拍合照作證，相當搞笑！少邦表示註冊當日天公作美：「當日原本落雨，但影相一刻就突然放晴，所以影到好滿意嘅結婚相！（註冊時有冇感動到喊？）簽字時本來我好緊張，但係原來喺澳門簽字，係冇讀宣誓詞，只係由註冊處嘅證婚人去講，之後佢就問我願唔願意，冇咗緊張心情所以冇喊到囉！」
文：影視組