黃心穎惹結婚揣測
藝人黃心穎、安德尊與李錦聯昨日到中環錄影無綫節目《區區開伙》，心穎亦有留意新一屆港姐面試，大讚多高學歷靚女，腿長笑容好：「有啲着得Casual咗，應該着斯文啲。有個好似叫Jacqueline，啲人話似我，我覺得少少啦！」心穎期待做香港先生評判，最想能派她跟埋出trip。
昨晨心穎於Instagram放上四手交疊相，並留言「we promised. Not an easy road, but we will fight on」，惹來揣測，昨日她以電話回應：「啲人以為我結婚，勁多人問我，有冇咁驚呀，一嚟就講結婚，好好笑！其實張相係我同賴慰玲、鄭俊弘一齊影，互相鼓勵要喺演藝事業繼續努力啫。」
至於鬥嘴孖寶安德尊與李錦聯則繼續鬥氣，針鋒相對，李錦聯斥安德尊無知，白癡扮低B，畀鑊跣他，安德尊反駁謂：「鑊呢，係孭，唔係跣呀！師傅心胸唔夠闊，我頂唔順佢氣燄！」