莊思明打「天才波」露底
無綫藝人莊思明、翟威廉與港姐林凱恩昨日出席龍舟競渡，身體力行參與《無綫盃－中龍混合邀請賽》，在未有練習下奪得第六名，成績總算過得去！負責打鼓的莊思明說：「只係簡單用口夾過拍子囉！話有教練教我，但到依家都未見過！（男友楊明知道你打鼓有冇驚訝？）佢都唔知！」比賽結束後，她被其他龍舟健兒潑到濕身，透出粉紅色泳衣若隱若現。
翟威廉同樣從未練習，坦言因往年練習後變得疲累，出賽時更加冇力扒：「今年就一次過爆晒出嚟，後段冇力就舉起支槳！（緋聞女友陳庭欣有咩支持？）舊年佢負責打鼓，我唔知佢啲行程啦！今年係莊思明打，都知佢打得鼓o架！」另一落場扒龍舟的林凱恩指賽前只練習過兩、三次，更令手臂一邊粗一邊幼：「好辛苦o架！要靠意志力完成。」
