李樂詩自爆產前抑鬱

擁有三個寶貝女的林盛斌(Bob)對於好友胡諾言與陳琪將迎接第三個小朋友感高興,阿Bob認為生到第三胎時心情已很輕鬆,反而要着重照顧「阿二」的心理:「好似要話定畀佢聽就嚟有個細妹、細佬,畀番啲責任感佢。」講到陳琪曾小產,今次意外懷孕有一定風險,阿Bob則認為不需擔心太多:「生小朋友係天意!唔好做咁多嘢、唔好咁操勞,賺錢留番畀胡仔去做!」

目前懷有五個月身孕的歌手李樂詩(Joyce)本身育有兩個兒子,她坦言佗第一、二胎時個人比較活潑,今胎卻有少許產前抑鬱:「頭嗰段時間成日作嘔作悶,好唔舒服,會後悔點解再生!好彩過咗三個月就冇嘢,但年紀大又要照顧兩個仔係好攰。」她笑言將來BB出世後,會讓兩兒子幫手餵奶及換尿片,學做有責任的人。