蔡思貝唔吼馬國明 情願玩SheShe
蔡思貝拍劇幾乎例必有緋聞，她在無綫新劇中將與敖嘉年一對，同劇更有「筍盤」馬國明，但她似乎睇唔上眼，笑言情願與索女湯洛雯及楊秀惠傳緋聞。
無綫小生馬國明與蔡思貝、楊明、敖嘉年、王君馨、楊秀惠及湯洛雯等昨日為新劇《心理追兇 Mind Hunter》試造型，飾演社工的蔡思貝指角色熱心幫人，自言現實中亦見義勇為。拍劇不時與對手傳緋聞的她將與敖嘉年一對，問到是否不用擔心傳緋聞？蔡思貝笑說：「我同湯洛雯、楊秀惠傳啦！佢哋都好索呀。」言下之意似乎對人夫敖嘉年及馬國明睇唔上眼！
反擊：同佢唔襯
飾演心理醫生的馬國明自爆感情線只是思憶亡妻湯洛雯的畫面，問到可會擔心與蔡思貝傳緋聞？他笑說：「唔怕，阿佘（佘詩曼）夠犀利啦！可能公司覺得佢太細個，我同佢唔襯啦！」提到湯洛雯以幻想形式出現，問他會有甚麼幻想？馬國明笑說：「我幻想嘅女友要好少布(o架)！或者要拍個導演版，淨係我同導演、監製睇。」問到對上一套無綫劇已是上年拍攝，有傳是續約問題，他坦言冇關係：「仲有約，一路都傾緊，合約未完都係TVB嘅人，其實一路都睇緊有冇劇本。」
同場的楊明近日與莊思明愛得高調，見女方家長更獲讚乖仔，問到甚麼時候結婚？他說：「邊有咁快！我同佢都係諗做嘢先。（莊思敏讚你比陳司翰好！）比較就唔好！每個人相處都唔同，我唔單止對女友，工作都要畀心機同誠意。」對於莊思明被指遊船河時與男友人玩得癲，他即維護女友說：「嗰日係朋友生日，事實唔係咁負面，係字眼上寫得肉酸，去遊船河就梗係你推我落水，我推你落水！」
文：影視組