王浩信睇重事業線

2010年港姐冠軍陳庭欣對后冠珍而重之，不捨得捐作行善。

今年港姐與港男將合併舉辦，問陳庭欣想做邊一面的評判？她笑言：「一次過做晒啦！（點睇ViuTV亦舉辦選美活動但不限年齡？）似亞視咁，我即刻諗起花姐（宮雪花）。」陳庭欣跟港男翟威廉傳足多年緋聞，被問港男與港姐一起舉辦是否可結良緣？她說：「呢啲後話啦，專心參加咗個比賽先。」

劉佩玥：世界好可怕

同場的王浩信被問到選心水港姐的準則時，她認為選港姐美貌與智慧並重是傳統，而且事業線要夠長：「係手掌嗰條，因為要履行港姐責任，之後做演員要夠上心，依家合作嘅港姐都好盡心盡力。」

最近緋聞纏身的劉佩玥，一時被指跟伍允龍分手，一時又話追黃宗澤，她直言全部係假：「世界好可怕，我都冇講過同伍允龍拍拖又何來分手？（追黃宗澤呢？）戲內戲外都係叫佢大佬，以前覺得有緋聞笑一笑就算，但今次我就笑唔出啦！（有傳年僅17歲的無綫藝人楊嘉欣追黃宗澤？）佢真係得17歲，希望大家唔好傷害佢，只係影張相啫！」

陳庭欣	（左起）劉佩玥、蔡思貝、陳庭欣 王浩信（右一）大講「事業線」，搞到靚女們即以手護胸。