袁詠儀撐行善無可厚非
李珊珊決定拍賣港姐后冠掀全城熱話，據悉港姐后冠價值視乎該屆有否贊助商，近年陳凱琳及麥明詩后冠就以數百萬港元計，當年李珊珊的后冠及權杖亦價值逾百萬，反觀楊寶玲及袁詠儀的后冠為「無綫出產」，價值只有數千。
對師妹李珊珊的決定，身為1990年港姐冠軍的袁詠儀表示：「每個人都有唔同嘅價值觀，佢為慈善無可厚非，即使賣咗后冠，亦唔代表佢唔係香港小姐，呢段記憶永藏心裏。我當年選港姐嘅相關物品，好多仲保存喺度，后冠同綵帶我用盒載住放喺屋企，當年嘅旗袍，同埋媽媽用咗成個月人工買畀我嘅大褸戰衣，亦放喺衣櫃。」
身為師妹、2013年參選的陳凱琳回應：「李珊珊做善事好有心，我都未必捨得。佢為慈善以身作則，鼓勵人哋為善最樂，我好欣賞佢。」至於應屆十優港姐麥明詩稱：「其實后冠放喺度都係浪費啫，好少機會戴，不過我唔捨得。」2001年冠軍楊思琦說：「珊珊話計劃咗五年，好有善心，因為后冠、權杖對港姐嚟講有重大意義，佢可以將呢樣咁重要嘅物品同其他人分享，好值得欣賞。」而無綫企業傳訊部副總監曾醒明則表示李珊珊獲得的港姐獎品已屬其私人擁有：「佢點安排無綫都無權過問，佢當選後一直善心爆棚，做慈善不遺餘力。」