邵音音訴辛酸高峰眼濕濕

新人高峰近日擔任幕後人拍攝短片，邀得藝人邵音音及網絡紅人熊仔頭演出，高峰透露當日天氣惡劣，幸最終守得雲開見月明。高峰坦言在拍攝過程中，在邵音音身上學懂很多人生道路，令他見識不少，他說：「好欣賞音音姐冇架子，佢講咗好多人生哲理，條路係行得幾咁艱辛，呢啲都係值得學習，好有啟發。當佢講到要成功先要經歷過失敗，佢自己都有少少眼濕濕，連我都好感動。」