丘雪祺時裝配名車
香港時裝設計師丘雪祺早前作出新嘗試，與名車作一次時裝與香車的crossover，她形容跨界別的合作對她的設計而言像進補一樣：「因為我嘅設計靈感都係嚟自生活，衣食住行，車係行，每日都會接觸到，在我嚟講每次同唔同嘅界別合作，對我嘅設計工作，就好似食咗大補品。」
丘雪祺首度與勞斯萊斯合作，為品牌全新發布的特別版車型打造一系列高訂服飾，她更特別為此設計了一條披肩，採用法國手工釘珠喱士和頂級的山羊絨，綴以漸變色的鴕鳥毛，非常高貴，她說：「我腦裏面幻想自己着住華麗嘅晚裝赴會，可能落咗車都要行一段距離先到目的地，所以我設計咗披肩，女仔都鍾意攬住暖笠笠嘅嘢。」她說披肩有很多種配搭，能起化學作用，看別人配搭披肩，可從中知道對方的性格及是否仔細。