朱千雪冇份去巴西靠阿叻安排

藝人陳百祥（阿叻）、朱千雪及劉佩玥等昨日到油塘出席無綫「2016里約奧運會 全城迎奧運」活動。阿叻將到巴西擔任火炬傳遞手，他說：「係我人生最高榮譽，好榮幸代表TVB。（全球150名醫生、專家指巴西寨卡病毒嚴重，呼籲奧運應延期或移師其他地點舉行。）我一啲都冇驚，我可以單手捉蚊，同埋啲蚊唔咬我，可能我K型血啩！黃杏秀就要戴防蚊手鈪。」
朱千雪（左）與劉佩玥晒美腿宣傳無綫奧運節目。
朱千雪（左）與劉佩玥晒美腿宣傳無綫奧運節目。

穿短褲露出白雪雪雙腳的朱千雪說：「我冇份去巴西，但叻哥話帶埋我去喎，如果去，我會做足防寨卡措施。」而劉佩玥則否認追求黃宗澤：「唔知點解咁傳，佢係哥哥囉，唔會諗邊個人係我擇偶標準。（過氣緋聞男友伍允龍啱標準？）同佢係朋友，都冇拍過拖，點樣分手？所以呢啲嘢唔需要緊張。」

阿叻繼續認叻，自誇可單手捉蚊。
  • 阿叻繼續認叻，自誇可單手捉蚊。