何傲兒收身明年再選美
藝人何傲兒、吳千語、蘇麗珊及郭偉亮等昨日在觀塘apm出席ViuTV實況選美節目《美選D.n.A》宣傳活動。曾於2007年參選港姐的何傲兒自言是過來人，笑指父親也問她會否報名參加ViuTV選美：「我冇所謂，當玩吓，但今年未準備好收身，出年啦！」問到當年選美時有否是非？她說：「細個咩都唔識畀人蝦都唔知，嗰時有個佳麗帶好多零食返去，但就次次都話自己飽，我就有食，搞到水腫冇Period，依家畀我就冇咁傻！（叫家姐何傲芝參加？）都會說服佢，但我都想推薦凍齡朋友報名。」
另外，早前吳千語被本報拍到與林峯家人飯局，但卻與林峯雙親零交流，她回應說：「其實成日一齊食飯，相處得好好。（你同白髮長輩最好傾！）因為好耐冇見，係阿峯親戚，嗰晚同佢步伐差唔多，梗係同旁邊人傾啦！」
