陳志健撩可嵐鬥Fit

藝人陳志健（Otto）早前與由歌手轉型做打女的可嵐合拍廣告，兩人鬥晒健美身段，Otto說：「今次係為健身中心同飲品牌子crossover拍廣告，拍嗰排撞正我因為劇集《乘勝狙擊》MMA場面而整裂手(月爭)骨，所以嗰期少咗時間操Fit。（同可嵐合作有咩感覺？）佢好Fit、好勁，我都好想睇吓有冇機會再合作，想演戲或者關於Keep Fit嘅項目。」
可嵐與陳志健打得又睇得。
可嵐與陳志健打得又睇得。

可嵐則坦承市道差，要「窮則變」：「音樂市道真係好差，我又要湊仔，有一定負擔，與其等出歌、出碟，不如教人打泰拳，我都學咗咁長時間，而且Keep住有練，自問都算Fit，慶幸參與今次廣告。」她透露將參與三套動作電影，現階段要積極操Fit，應付年尾拍攝需要。

陳志健嫌拍攝時未達最佳狀態。
  • 陳志健嫌拍攝時未達最佳狀態。