顏子菲玩瑜伽自嘲硬骨頭

天生模特兒骨架的顏子菲令不少女生艷羨不已，不過她卻嫌自己「骨頭太硬」，玩空中瑜伽時拉筋動作未能水到渠成，她透露：「大約一年前我做過抽脂手術，之後就被迫暫停做瑜伽，搞到啲淋巴位塞晒，依家再做番相信都要一步一步嚟。」

擇偶獨愛「爸爸型」

原來顏子菲當年於加拿大求學時，曾鍾情排球等運動，加入校隊後接受密集式訓練：「嗰時放學後就要操練，搞到個人好攰，最鍾意上歷史課時打瞌睡。雖然辛苦，但嗰段日子真係好充實。」

考平衡 迷上空中瑜伽的顏子菲已學有所成。	搵救兵 顏子菲因做抽脂手術要休養，要逐步完成基本功。	顏子菲嫌自己骨頭硬，拉筋時比較吃力。

子菲表示自己的運動細胞遺傳自父親，更對他讚口不絕：「佢高大之餘又靚仔，因為做開運動有6舊腹肌，絕對係我心目中嘅男神，最可惜佢係我爸爸吖，佢絕對係我日後擇偶嘅人辦嚟！」

穿戲服起水泡

現實生活中事業心重的子菲，希望桃花運落在工作上，早前她更悄悄獻出螢幕初吻：「拍《樹大招風》時我演科長嘅情婦，一開工就要同陌生熟男咀嘴，加上角色造型要表現女性線條美，穿上戲服後成晚都感覺呼吸唔到，返屋企沖涼仲發現皮膚敏感，起咗少少水泡。」

甘願為藝術犧牲的子菲扁嘴補充：「當初接劇本都知道要咀，我抱有一絲希望係同我偶像任賢齊，點知最終願望落空。我有同小齊講番呀，希望下次真係有機會啦！」

文﹕影視組

攝影﹕劉斌

髮型﹕Van Chan@BruneBlonde Grand Hyatt

場地﹕Lithe Yoga