梁皓婷再戰樂壇做FFx師妹
曾參加《超級巨聲2》的歌手梁皓婷（Shadow），闊別樂壇幾年，近日簽約新公司成為組合FFx師妹，她表示一切都是巧合：「其實都係朋友介紹，之後試音，同佢哋傾過覺得同呢間公司諗法好一致，二話不說簽咗。其實之前我都有做吓模特兒同登台，但一直都唔係自己鍾意嘅嘢，我都想有自己歌。」
現時「復出」樂壇的Shadow，表示已重新出發，並坦言已準備再戰樂壇：「年紀同心態上我都ready，因為之前細個啲，橫衝直撞，但呢幾年吸取唔少經驗，所以依家係期待多過緊張。（曲風？）情歌為主，唔會好似之前咁rock。」談到Shadow昔日的巨聲幫戰友，都會在網上自拍短片，Shadow表示現時亦拍埋一份：「依家都做緊，遲啲會慢慢擺出嚟。（搵昔日巨聲幫戰友一齊拍？）都會呀！（同邊個最熟？）吳業坤同李榮耀，我哋兄弟嚟嘅！」
服裝：SLY,MOUSSY
化妝：Kwan