李偉健出繪本玩自己

曾參加2009年《香港先生競選》及演出無綫長壽劇《愛‧回家》「Terry」一角的李偉健（Kim）早前推出第一本繪本：「呢本書入面所有畫都係講自己拍劇時嘅一啲搞笑經歷，純粹係啲黑色幽默，拎嚟笑吓自己。例如啱啱返工嗰時唔知咁多嘢，接到order叫我返公司再跟車出外景，我搭咗一大輪車返到公司，再由公司出車又搭一大輪去目的地時，發現原來拍外景嘅地方就喺我屋企樓下，可能我自己本身蠢蠢哋，所以特別多呢啲經歷！」