鄺芷凡檢點保形象
參選旅遊小姐入行的鄺芷凡（Omi）自知做藝人形象十分重要，因此經常推動自己充實生活及內涵：「作為一個新人，我好注重自己個record，我知道一個mistake就會玩完，加上我都唔想畀壞印象人，所以我入行之後其中一個大轉變係好留心咁keep好自己生活，比以前更加會push自己增值自己。依家仲細個，可能好多嘢我都未真正經歷過，所以一得閒就會睇多啲書同戲。」
娛樂圈多是是非非，Omi坦言害怕：「我好驚，呢個圈咁大，所有嘢都係一把口傳一把口。啱啱入行會有經理人咩都帶住我，我之前又冇乜工作經驗，之後慢慢開始要同其他女仔一齊共事，我一開始係驚，但溝通落慢慢發覺唔係咁，真心對人就唔會令人討厭，唔會出現是非。」
場地：Emma Party House