玄學星相：徐榮萌女天生明星相

今集《東網巨星》娛樂節目《玄學星相》為觀眾搜羅了娛樂圈中「青出於藍勝於藍」的三位精靈人氣B，分別是藝人徐榮的女兒「包包」徐心怡、名模周汶錡的混血兒子Jacques，及歌手鄭希怡的女兒「梁浸浸」梁子柔，由堪輿學家陳子才分析為何他們年紀輕輕已經人氣爆燈。

炯炯有神

徐榮女兒「包包」在無綫劇集《愛回家》中初次出場已經引起極大回響，簡直係人見人愛，車見車載！難道「包包」天生有明星相？陳子才說：「又真係算係有喎！一般睇BB點睇呢？我哋第一樣嘢都係睇番對眼。眼大眼珠大，圓碌碌，黑白分明，眼仲要有神，因為咁細個，個BB未識講嘢，其實就係靠個眼神去傳遞訊息，所以眼有神，睩嚟睩去，本身已經係一個令大家好鍾意嘅條件啦。」

周汶錡的兒子Jacques眼仔同樣圓碌碌，注定是萬人迷！	鄭希怡的囡囡「梁浸浸」曝光率極高。	堪輿學家陳子才分析「星B」的爆紅原因。

帶旺爸爸

另一方面，「包包」爆紅，帶動埋爸爸都人氣急升，「包包」特別旺爸爸？陳子才說：「徐榮本身嘅命格五行屬金，如果係屬木、屬火嘅嘢都特別對佢有利，咁啱佢嘅囡囡又係屬木（口架）喎，咁就已經一出世就已經係旺爸爸喇！個囡囡出世後，原來除咗囡囡自己有機會搵到錢，同步亦都可以旺到爸爸嘅財運喎！」除了「包包」當紅，周汶錡的兒子Jacques和鄭希怡的女兒「梁浸浸」一樣深受大眾喜愛，兩位人氣B又有甚麼地方特別出眾呢？想繼續聽師傅點講？就要Click入《東網巨星》的「視娛樂」，睇《玄學星相》就更啱Feel！

http://goo.gl/Gy0l61

文：專案組