董敏莉轉型搞創作

榮升幸福人妻的藝人董敏莉（Monie）沒打算等律師老公養，反而創立了以畫作及插畫為主的品牌Heroninic：「依家同兒童雜誌合作寫專欄，自己負責寫故事同畫插畫，當中嘅人物會抽出嚟同唔同品牌crossover出產品，有T-shirt、眼鏡、袋、飾物。」首次創業投資約五位數字，她指老公亦支持：「佢做我法律顧問，仲買啲畫具、畫板畀我，我目標係想將品牌擴散到生活各方面。」講到圈中人如古巨基亦曾創作卡通人物，Monie坦言做幕前競爭反而更大。