衛蘭自主新歌唔衰得

靚聲甜姐兒衛蘭(Janice)在樂壇上重新出發,今年33歲的她自覺長大成熟不少,轉投新唱片公司後,更獲自主權包攬一切選擇和決定,她既興奮又緊張,但就要獨力承擔一切後果,不能推卸責任。

離開舊公司Amusic轉會到新公司華納的衛蘭,休息近兩年養精蓄銳在樂壇重新出發,由全新班子為她打造新歌《穿花蝴蝶》,新歌跟Janice過往歌曲風格明顯有異,比較有節奏感,Janice笑着自爆:「錄音時先發現我好缺乏節奏感,因為好少唱呢啲groovy(節奏感)嘅歌,喺呢方面要重新學起。(點培養?)我有諗過飲少少酒先錄,但最後都冇。」

熟女轉聲

女生都不愛談論自己年齡問題,但Janice毫不忌諱說:「今年我都33歲,大個成熟咗,我覺得把聲唔同以前,唔可以用番以前方式或習慣去唱另一首歌。」Janice在舊公司備受照顧,事無大小都不用操心,她承認初加盟新公司華納感到陌生,亦需時間適應:「會有少少緊張,但大個咗就想做啲比較個人嘅嘢,我覺得係時候去做。」

今次由選曲、內容及概念,Janice全部有份參與,最開心是公司願意考慮其意見,她笑說:「以前人哋幫我選擇、決定,唔得可以賴佢哋,但依家就唔得,所以有壓力o架。」

熱鬧嫌嘈

Janice跟舊公司合作十年,她希望歌唱事業還有多十年,又談到同公司歌手周柏豪、連詩雅、組合A2A、陳詠謙、樂隊Dear Jane,她笑說:「有次我哋全公司去北京做騷,上到巴士好熱鬧,但對我嚟講係好嘈,唔係好慣,不過我係開心嘅。」個性好文靜的Janice笑言已慢慢轉變,更特意開社交網玩直播加強與粉絲溝通。

文:音樂組